Working Group Minutes / Canola / 25 November 2015

Notule

Canolawerkgroepvergadering

gehou te Elsenburg op 25 November 2015



  1. Opening en verwelkoming

    Die vergadering word deur dr De Kock met gebed geopen. Die Voorsitter verwelkom almal teenwoordig, veral die persone wat vir die eerste keer die vergadering bywoon.

  2. Presensie

    Teenwoordig

    Mnr GJH Scholtemeijer PNS (Voorsitter)
    Dr J de Kock PNS
    Mnr A Theron PNS
    Mnr JG Loubser PNS
    Mnr G Keun PNS
    Mnr C Cumming PNS
    Mnr P Lombard DLWK
    Mnr I Slabbert DLWK Moorreesburg
    Me L Smorenburg DLWK
    Dr J Strauss DLWK
    Mnr P Laubscher Overberg Agri
    Mnr W Heunis Overberg Agri/MKB
    Mnr F Human Overberg Agri
    Mnr L Coetzee Kaap Agri
    Mnr P Blom SSK
    Mnr F le Roux SOILL
    Mnr J McDermott Pioneer
    Mnr D Hanekom Agricol
    Mnr J Loubser Quantum Foods
    Mnr M le Roux US
    Mnr DT Wessels GSA
    Mnr JJ Bester GSA
    Mnr K Meintjies DOW
    Mnr J Bruwer Bayer
    Mnr G Els Klein Karoo Saad Bemarking
    Mnr P Fouché Phyto Energy
    K Wiersma BASF
    Mnr J Meintjies BASF
    Mnr J Botes Agricol
    Dr P Swanepoel US
    Dr S Lamprecht LNR-NIPB
    Prof A Agenbag US
    Me M du Preez PNS
    Me Y Papadimitropoulus PNS
    Me L van Emmenis Student
    Me L van Zyl Sekretariaat

    Verskoning vir afwesigheid

    Dr I Trautman DLWK
    Me A Swanepoel DLWK
    Mnr J Pepler BASF
    Mnr H Cerfonteyn DLWK
    Mnr N Hawkins SAGIS
    Mnr M Heydorn GSA Canola Spesialis Werkgroep
    Me R van der Merwe BASF
    Dr G Tribe PNS

  3. Personalia

    Geen.

  4. Vasstelling van die sakelys

    Geen verdere sake.

  5. Notule van die vorige vergadering

    Die notule van die vergadering gehou op 20 Augustus 2015 word as gelese beskou en goedgekeur.

  6. Algemene oorsig

    1. SAGIS Inligting

      Daar word besluit dat die jongste inligting (26 Oktober 2015) soos deur SAGIS verskaf, aanvaar word

      • Canola supply and demand table
      • Maandelikse data
      • Weeklikse bulletin

      Voorsitter

    2. Oesskattings

      Neem kennis van die NOK 2014 oppervlakte en produksieskatting soos op 27 Oktober 2015 vrygestel, wat ter inligting by die sakelys aangeheg is.

      H Cerfonteyn

    3. Winterreënstreek / Swartland / Suid-Kaap

      Verteenwoordigers rapporteer soos volg:

      • daar in die Overberg Agri/MKB gebied slegs 51% reën van die langtermyn gemiddeld geval het;
      • daar 'n koring opbrengs van 45% en 'n canola opbrengs van 55% (teenoor 2014) realiseer het;
      • daar in die natter areas rondom Koeberg/Philadelphia goeie opbrengste realiseer het in vergelyking met die res van die Swartland se opbrengste;
      • die opbrengste in die Kaap Agri gebied baie wisselvallig was en sekere dele rondom Eendekuil en Rooi Karoo baie swak oeste gehad het;
      • canolaplante tog die vermoë het om droogtes beter as koring te kan hanteer;
      • daar tot op datum 16 400 ton uit Swartland ontvang is; 28 000 ton uit Overberg Agri gebied en 26 500 uit SSK gebied;
      • die Suid-Kaap het oor die algemeen 'n goeie oes gehad, alhoewel die oes in sekere areas swakker was as wat dit aanvanklik gelyk het;
      • Sclerotinia voorgekom het in die areas waar dit baie nat was, wat 'n verlies aan opbrengs veroorsaak het – die korrekte beheer teen Sclerotinia op die regte tyd word weer benadruk.

      Almal

    4. Somerreënstreek / Oos-Kaap / Ander

      Daar word rapporteer dat:

      • die canola wat in die Alexandria distrik geplant is (samewerking tussen Eastern Cape Development Corporation (ECDC) and Anathi Oils weens redes nie gestroop is nie;
      • dr De Kock oor ander aanplantings en proewe in die binneland (onder besproeiing en op droë land) rapporteer – mnr Fouché sal adviseer ten opsigte van kultivars want die wintertipes se koue-behoefte moet in ag geneem word;
      • daar nog met plantdatums eksperimenteer word – dit moet inpas by die plaaslike boerderypraktyke en klimaat; en
      • die vergadering verder daarop wys dat voorsorg teen Sclerotinia oorweeg moet word.

      Dr De Kock

    5. Prysinligting

      Neem kennis dat die waarde van canola afgelei van sojaboonoliekoek (47% proteïen) geland in Kaapstad op 12 November 2015 soos volg daar uitsien:

      47% Proteïen teen 'n waarde van R 5 927/ ton teen 'n wisselkoers van R14.17

      Relatiewe waarde van volvet canola is dus:

      Pluimvee (94%) R5 571 per ton
      Varke (100%) R5 927 per ton
      Suiwel (58%) R3 438 per ton

      en die relatiewe waarde van canola-oliekoek is:

      Pluimvee (53%) R3 141 per ton
      Varke (65%) R3 853 per ton
      Suiwel (60%) R3 556 per ton
    6. Weervooruitskatting

      Neem kennis dat geen verdere inligting beskikbaar is nie.

      H Cerfonteyn

  7. Navorsing

    1. Nasionale Cultivarproewe 2015/2016

      Mnr Lombard rapporteer dat

      • daar vanjaar net twee nuwe cultivars in die proewe gebruik is;
      • die vinnige cultivars goed gevaar het en die rol wat die plantdatum op opbrengs het weer benadruk word;
      • die plante se vermoë om droogte tye te oorleef, weer beïndruk het;
      • dit weer aanbeveel word dat produsente 'n verskeidenheid van cultivars moet plant om die effek van die klimaat en druk in oestyd te kan verlig;
      • aanbeveel word dat daar nie te vroeg platgesny moet word nie, verkieslik tussen 50% en 60% saadverkleuring, indien die pitte nie genoeg ontwikkel het, kan dit opbrengs beïnvloed;
      • daar op die regte tyd gestroop moet word om die optimum opbrengs te verseker (moenie te vroeg stroop en ook nie verby die optimum strooptyd nie); en
      • die volledige verwerkte data van die proewe in die volgende Canolafokus publiseer sal word en ook by die volgende sakelys aangeheg sal wees.

      P Lombard

    2. Biobrandstowwe

      Nuusberigte en tendense in die oliesade en bio-brandstofbedryf vir die derde kwartaal tot 30 September 2015 is ter inligting by die sakelys aangeheg.

  8. Tegnologie oordrag

    1. Canolafokus

      Inligting oor die oorsaak van vermiste peule op canola is in die Oktober 2015 Canolafokus gepubliseer. Die 2015 kultivar proef­resultate sal in die volgende uitgawe verskyn.

      Neem kennis dat swaar buie reën tydens blomtyd moontlik ook blomme kan vernietig wat dan "vermiste" peule veroorsaak. Die plant kan gewoonlik daarvoor kompenseer.

      Redaksie

    2. Inligtingsdae 2016

      Kennis word geneem dat die volgende inligtingsdae beplan word:

      Internasionale Canola Simposium 19 Julie – Bredasdorp
      20 Julie – Paarl
      Bewaringslandbou Konferensie 2,3 Augustus
      Riversdal Inligtingsdag 24 Augustus
      Proefbesoeke Suid-Kaap moet nog bepaal word
      Proefbesoeke Swartland 6 September
      Roodebloem Inligtingsdag 1 September
      SKOG Dag September (onseker)
      Agri Mega Week 14 tot 17 September
      Moorreesburgskou 6-10 September
    3. Video-opnames

      Neem kennis dat lede enige interessante inligting/videos oor canola verbouing aan die PNS kantoor moet deurstuur.

      Almal

    4. Oilseeds Focus

      Neem kennis dat 'n afskrif van die Oilseeds Focus ter inligting by die sakelys aangeheg is.

  9. Behoeftes van

    1. Mark – Canola

      Geen verdere inligting word rapporteer nie.

      Almal

    2. Produsente – Canola

      1. Pryse en agterskotte

        Neem kennis dat

        • 'n minimumprys van R4700 deur SOILL betaal is;
        • agterskotte nog betaal moet word; en
        • daar oorweeg word dat produsentepryse voor planttyd afgekondig kan word.

        Mnr Le Roux

      2. Canola Opbrengskompetisie

        Die wenners van die kompetisie is op 25 November 2015 aangekondig.

        Swartland Deelnemers
        Deelnemer Boerdery Distrik
        Mnr André Brink Groot Phesantekraal Boerdery Durbanville
        Mnr Dirk Lesch Elim Boerdery Malmesbury
        Mnr Bertus van der Westhuizen Klipheuwel Trust Moorreesburg
        Mnr Jan de Villiers Hartebeesfontein Boerdery Moorreesburg
        Mnr Gert Claassen Claassen Boerdery Malmesbury
        Mnr Marnus Engelbrecht HB Engelbrecht & Seuns Boerdery Moorreesburg
        Mnr Sallas van der Westhuyzen Swartrug Boerdery Moorreesburg
        Mnr Dirkie Hanekom Kraalbosvlei Boerdery Moorreesburg
        Mnr Nicol Russouw Rusoord Trust Moorreesburg
        Mnr Alwyco Carstens ONTTREK

        Die wenner van die Swartland Canolakompetisie is Mnr Andre Brink van Groot Phesantekraal Boerdery met 'n opbrengs van 2,186 ton/ha.

        Suid-Kaap Deelnemers
        Deelnemer Boerdery Distrik
        Mnr AG Joubert en Seuns Kweekkraal Boerdery Riversdal
        Mnr Pieter Dreyer Raka Boerdery Caledon
        Mnr Francois Badenhorst Kliprivier Boerdery Swellendam
        Mnr Niel Neethling Verfheuwel Boerdery Bredasdorp
        Mnr Ian le Roux B.H. Groenewald Boerdery Riviersonderend
        Mnr Matthys Streicher Aandblom Boerdery Swellendam
        Mnr Tihan le Roux Windheuwel Boerdery Swellendam
        Mnr Andrew Jonker Tolange Plaas Boerdery Riversdal
        Mnr Johannes Uys Vissersdrift Boerdery Bredasdorp
        Mnr Niekie van Niekerk ONTTREK

        Die wenner van die Suid-Kaap Canolakompetisie is Mnr AG Joubert & Seuns van Kweekkraal Boerdery met 'n opbrengs van 2,41 ton/ha.

        Prof Agenbag

      3. Hoër opbrengs

        Die vergadering bespreek die moontlikheid dat hoër canola opbrengs in die Wes-Kaap kan realiseer – wêreldwyd word daar gestreef na 'n canola opbrengs wat 60% van die koring opbrengs is.

        Dit word genoem dat opbrengs van verskeie faktore afhanklik is:

        • terughou van saad word nie aanbeveel;
        • korrekte gebruik van chemie op die regte tyd – soos effektiewe saadbehandeling – is die kombinasie van middels ewe effektief in alle streke?
        • beheer teen slakke en Sclerotinia op die regte tyd;
        • afgesien van die seisoen se reën en verspreiding van reën, sal baie afhang van die bestuur van die gewas – doen alles op die regte grond op die regte tyd met die regte praktyke;
        • grondtipes kan ook 'n effek op opbrengs/sukses van aanplanting hê;
        • planttyd en plantdigtheid;
        • let op detail reeds by die planter – windspoed en "waar val die saadjie";
        • let op oespraktyke en verminder oesverliese!!
  10. Saad

    Neem kennis dat

    • daar oordragvoorraad van die 2015 seisoen beskikbaar sal wees – saad moet onder die regte omstandighede geberg word;
    • Agricol beplan dat 'n nuwe cultivar vir 2016 beskikbaar sal wees; en
    • Springtraag kultivars ontwikkel word, maar dit nog tyd sal neem voordat dit beskikbaar is.

    Saadmaatskappye

  11. Ander sake

    1. Nuusbrokkies

      Neem kennis dat afskrifte van interessante nuusbrokkies ter inligting by die sakelys aangeheg is.

      Almal

    2. Canola tydskrif artikels

      Neem kennis dat afskrifte van enkele artikels ter inligting by die sakelys aangeheg is.

      Almal

    3. Sprekers

      Neem kennis dat me L van Emmenis toeligting oor haar navorsing gee: "The use of fly larvae meal as an alternative protein source in the diets of monogastric animals. Exploring the potential benefits for the animal, farmer, consumer and environment."

    4. Canolawebstudie

      Neem kennis dat die opdatering van webwerfinligting weer in Februarie 2016 beskikbaar sal wees.

      Almal

  12. Datums van 2016 vergaderings

    7 April
    9 Junie
    23 Augustus
    24 November

  13. Afsluiting

    Die vergadering word na 'n woord van dank vir elkeen se bydrae die afgelope jaar asook seënwense vir die feesgety afgesluit en verdaag.